آدسيز

مارال آدديملاريني آتدين جئيران باخيشليم، و سس اوخونلا اووچونو ووردون، منيم اوووم!

آلئكس فرگوسن گؤيه آتلاندي!

منچستر يونايتد سن سيرو استاديومدا ميلان اؤنونده اَزيلديكدن سونرا، "اونلار ياشام قورتاردي" دئديم. 1999-دان بري آوروپا چامپيونلوغونو هابئله بير ايلده اوچ چئمپيونو قازانا بيلمه‌ين فرگوسن، بو كز او آماجا يئتيرمه‌يه داها حاضيرليق آپارميشدي. آدليم و گنج اويونچولاردان اولوشان منچستر يونايتد داها قيمتلي تيملرين آراسيندا يئر آلابيليردي بو ايل. آمما ميلان شهرينده 3-0 اوتوزماق بوتون بو ايستكلري يئره قويوب "بير ايل داها دؤز" دئدي. من آمما تكجه آوروپا چامپيونلوغو دئييل كوپا فينالي و اينگليس اوستون ليگ ماچلاريندادا منچسترين اوتوزماغيني و او كاپلاري اَلدن ائتمه‌ييني دوشونوردوم. آمما اوچ گون سونراسي منچستر شهرينده منچستر داربي‌سي يونايتد و سيتي آراسيندا كئچيريلدي. يونايتد بير گول ايله اوتوب باشقا اوچ اويوندا بير پوئن قازانماغي ايله اينگليس اوستون ليگينين غاليبي اولاجاغيني دوشوندوكدن سونرا 65 ياشي دولان و 66 ياشا آياق قويان "سئر آلكس فرگوسن" بيردن گؤيه آتيلدي. هامي بيربيريني قوجاقلاياراق فرگوسني آلقيشلاييرديلار.
آمما بو چامپيون اولماق فرگوسنين نه‌يينه گرك ايدي؟ داها دوغرو جواب اوچ گون اؤنجه ياريم فينال‌دا اي.سي ميلانا اوتوزماغي نظرده آلاراق وئريله‌بيلير.
منجه فقط بير جواب وئرمك اولور: اومود و اومود. ميلانا اوتوزماق‌دان سونرا منيم اوچون منچسترين بو ايل ياشامي قورتودوغو بللي اولورسا دا فرگوسن هله‌ده ياشايابيله‌جك ساحه‌لري آراييردي. بو كيشي منه ياشاماق اؤيره‌تير. و اومود ائتمك...

بیر حیکایه

اورا

اؤلوم ملکه سی اوچ نفر ایدی، سورغوچو ملکه بیر نفر. سونرا دَییشیلدی آمما یئنه بیر نفر ایدی -باشقا بیریسی اولسادا-. بو دَییشمک منیم اوچون نفرت ایله نفرتین دَییشیلمه سی ایدی؛ سومورتقانلیق ایله گولوشون دَییشیسلمه سی اولسادا فرقی یوخ.
اونو گؤره بیلمه یه ایذنیم یوخ دور دئیه سؤزه اینانمیردیم، هر نه یه اَلیم چاتماسادا هر دوشونجه نی دویا بیله جه یم؛ بونا اینانمیشدیم اؤنجه دن. گؤردومده گؤرمه یی ایسته میردیم، گؤرمه مه ییده.
آددیملایا بیله جک یوللار آمما گؤرونمه سین گرک. بو بیر یاسا(گؤزآلتی باخیردیم...)
یاشام کیمیدیر اورا؛ ائله دؤرد یانینی دووارلار بورویوب: گؤرونه ن دووارلار. دئمک اؤزگور یاشام یوخدور بوردا. اؤنومده دوران ساققاللی قایا، مندن اؤنجه اورایا گلمیشدیر. پاسلانیب سینانادکده اوردا قالمالیدیر او. ائوده اولورسا اولسون، و یا دنیزده اوزمک حالیندا گؤرونورسه؛ او اوردا اولان بیریسی کیمی ده گؤرونمه یه بیلیر آمما اوردادیر؛ دنیز اوزو گؤرمور و یاغیشی دویمور.
سونرا قایاسیز یاشامدیر؛ ایکی دونیا آراسیندا اولان بیر یاشام. و بو یاشامدان سنی قورویاجاق آیاق قابیلار، سنین اوچون سورتولمورلر یئرده...
اؤندر یوخ، سوچسوزلوق هتلی و او هتل آرتیق کیفیر و داها بؤیوک؛ بیر دونیا قدرینده، بیر دونیا کیمی...

هم قيزديم، هم گولدوم حاليما / نيچه

هم قيزديم، هم گولدوم حاليما

سونرا دئديم كي،

سؤز وئر اؤزونه!

دنيزلري سئويرسن­سه،

دالغالاري­دا سئوه­جه­كسن.

سئويلمك ايسته­ييرسن­سه،

اؤنجه سئومه­يي بيله­جه­كسن.

اوچمايغي سئويرسن­سه،

دوشمه­يي ده بيله­جه­كسن.

قورخاراق ياشاييرسان­سا،

تكجه؛ ياشامي سئير ائدرسن...